Pizza Napoletana
Flatey sækir í hefðir Napólí þegar kemur að pítsugerð. Einfaldleikinn ræður ríkjum en deigið inniheldur einungis hveiti, vatn, salt, súrdeig og örlítið ger.
Á Flatey er opið hús og því engar borðapantanir, nema fyrir stóra hópa hér.
—
Hægt er að taka með, en við mælum með að borða á staðnum. Hráefnin eru öll fersk og pítsan bakast á ógnarhraða við 500 gráðu hita á einni mínútu. Því fyrr sem hún er borðuð, því betri er hún.
Einungis er notast við ferskan mozzarella og snöggur eldunartími heldur ostinum ferskum og mjólkurkenndum. Flatey leggur ríka áherslu á hágæða hráefni, leituð uppi víðsvegar um heiminn. Útkoman er bragðgóðar, heilnæmar og náttúrulegar pítsur.
Flatey verslar tómata beint frá bónda. Þeir eru í laginu eins og plómur, sérstaklega safaríkir og bragðmiklir. Því þarf engu við að bæta, ef frá er talið dálítið salt.